USD 369.98
EUR 428.7
RUB 5.64
Русский Қазақша
Соңғы жаңалықтар
Жаңалықтар

    Новостей нет

Семейлік түлектерге мектеп бітіру кешін ұлан-асыр тойға айналдыруға тыйым салынды

Семейлік түлектерге мектеп бітіру кешін ұлан-асыр тойға айналдыруға тыйым салындыСемейдегі мектеп бітіруші түлектер қалалық білім бөлімінің барлық мектептерге ортақ бітіру кешін өткізу жайлы шешіміне наразылық білдіруде. Осыған орай қарсылық білдірген мектеп түлектері ата-аналарымен бірге қала мектептерінің бірінің алдына жиналып, шағын митинг өткізді, деп хабарлайды Altaynews.kz. тілшісі.

Жаңа тәртіп бойынша күндіз өз мектептерінде түлектерге аттестат тапсырылады, ал 20.00-де олар Орталық алаңға жиналуы тиіс. Мұнда түлектерді қаланың әкімі құттықтап, үздік түлектер марапатталады. Соңынан - би кеші. Шара түнгі сағат 12.00-де отшашумен аяқталады. Бұдан соң барлығы үйлеріне тарқауы тиіс.

Тағы бір айта кетерлік жайт - мектеп бітіруші қыздарға қымбат көйлектер киюге де тыйым салынды. Олар тек мектеп формасымен келуі тиіс.

- Мектеп бітіру кеші шетелдік қымбат көйлектердің сән үлгісін көрсететін шара емес. Мұның барлығы түлектердің материалдық жағдайына қарамастан, барлығына бірдей қатысу мүмкіндігін беру үшін жасалып отыр, дейді Семей қалалық білім бөлімі секторының меңгерушісі Наталья Тегай.

- Біз вальске, банкетке дайындалдық. Әдемі киіну үшін қомақты қаржы жұмсадық. Енді соның барлығы керексіз болғаны ма? Қазір ешқайсымыздың көңіл-күйіміз жоқ, тіпті емтиханға дайындалғымыз келмейді, дейді мектеп бітіруші Алиса Задорожная.

Ал есімін айтқысы келмеген бір түлек: - Біз жаппай төбелестен қорқамыз. Өзіңіз ойлаңызшы, барлық мектеп түлектері бір алаңда жиналады. Сондықтан бұл шешімге үзілді-кесілді қарсымын, дейді.

Мәлiметтiң көзi: Altaynews.kz
Мәтінде қате көрсеңіз, тінтуірмен белгілеп Ctrl+Enter пернені басыңыз
Пікір қалдырыңыз
Или водите через социальные сети
5 комментариев
  1. Құлпынай
    Дұрыс шешім, құптаймын. Әке-шешелерін қарызға батырып, мың долларға көйлек алдырғанша, сабақтарын оқып, емтиханға дайындалсын. Бұл шешімді Өскеменге де енгізу керек деп ойлаймын.
  2. салтанат
    12-ге дейін дискотека жетіп тур ғой...
  3. Ертіс
    Ия, біреу тойып секіреді, біреу тоңып секіреді. Шенеуніктердің бұл шешіміне көптеген ата-аналардың қуанаты белгілі. Грантқа түспей қалса баласын ақылы оқыту керек, аспаннан жауып жатқан ақша жоқ, жыл сайын осылай өткізу керек
  4. Әшімбек
    Әй, баламысың деген, киілмей қалған бір көйлекке бола емтиханға дайындалмаймыз дейді. Дайындалмаса кімнің несі кетеді, оқуға түсетін өзі ғой.
  5. Иван
    Құдай сақтасын, барлық мектептің түлектері бір алаңға сыймайтындай не көрінді. Жау ма едіңдер бір-біріңе, бір қазақтың, бір Семейдің балалары, мұндай әңгіме жараспас
Біз әлеуметтік желілерде